ॐ अस्य श्रीकेतुकवचस्तोत्रमन्त्रस्य कश्यप ऋषिः, अनुष्टुप् छन्दः, केतुर्देवता, केतुप्रीत्यर्थे जपे विनियोगः ॥

केतुः पातु शिरो मेऽव्याद् भालं पातु महाग्रहः ।

नेत्रे मे पातु चित्रेशः श्रवणे धूम्रकेतनः ॥ १ ॥

घ्राणं मे पातु शूलाग्रो मुखं मे पातु विकटः ।

जिह्वां मे पातु मोक्षज्ञः कण्ठं मे पातु पापहृत् ॥ २ ॥

स्कन्धौ मे पातु सर्वात्मा भुजौ मे पातु शक्तिभृत् ।

हस्तौ मे पातु गदाहस्तो हृदयं पातु वै कलः ॥ ३ ॥

मध्यं मे पातु मन्त्रज्ञो नाभिं पातु महोदकः ।

कटिं मे पातु ताराधिप ऊरू मे पातु शूलभृत् ॥ ४ ॥

जानुनी मे महातेजो जङ्घे मे पातु धूम्रभृत् ।

पादौ मे पातु मोक्षेशः पातु सर्वं कलेवरम् ॥ ५ ॥

॥ इति श्रीब्रह्माण्डपुराणे केतुकवचं सम्पूर्णम् ॥

गुह्यातिगुह्यगोप्ता त्वं गृहाणास्मत्कृतं जपम् ।

सिद्धिर्भवतु मे देव त्वत्प्रसादाद् ग्रहोत्तम ॥

॥ ॐ तत्सत् श्रीकेतुदेवचरणार्पणमस्तु ॥

1. मंगलवार या गुरुवार: सायंकाल केतु के इस कवच का ३ पाठ करें।

2. गणेश उपासना: केतु की पीड़ा शांति हेतु भगवान् गणेश जी को दुर्वा चढ़ाकर यह पाठ करने से अद्भुत फल मिलता है।

3. ज्योतिषीय प्रभाव: गुप्त शत्रु, रहस्यमयी बीमारियां, अनिद्रा, डिप्रेशन तथा केतु की महादशा से पूर्ण रक्षा करता है।